भारतीय क्रिकेट टीमका पूर्वकप्तान विराट कोहली अहिले विश्वकप क्रिकेटका दौरान अष्ट्रेलियामा छन् । सोही क्रममा उनी बसेको होटेलको कोठाको भिडियो सार्वजनिक भएसँगै विराट र उनकी पत्नी तथा बलिउड नायीका अनुष्का शर्मा भड्किएका छन् । यसलाई उनीहरुले गोपनियताको उल्लंघन भएको बताएका छन् ।
त्यसो त स्टार क्रिकेटरको कोठाको भिडियो सार्वजनिक भएपछि संसारभरबाट यसको आलोचना भएको छ । होटेलले माफी मागेको छ भने भिडियो बनाउने कर्मचारीलाई कामबाट निकालेको समेत जनाएको छ । विराटले इन्ष्टाग्राममा खेलाडी र सेलब्रेटीलाई केवल मनोरन्जनका माध्यमबाट मात्र नहेर्न भनेका छन् । भिडियो खिच्ने समय कोहली रुममा थिएनन् ।