काठमाडौं । नेकपा एमालेका अध्यक्ष केपी शर्मा ओली आम मानिसलाई आकर्षित गर्न अनेक उपाय लगाउन माहिर छन् । यसै क्रममा मध्यरातमा केपी शर्मा ओली ठमेलको एलओडी नाइट क्लब पुगेका छन् । जहाँ मध्यरातसम्म युवाहरुको ठूलो जमात रहने गर्छ । उनले क्लवमा पुगेर र्याप गीत सार्वजनिक गरे , ‘केपी बा’ बोलको र्याप गीत ओलीले शुक्रबार राती सार्वजनिक गरेका हुन् ।
चुनाव प्रचारका लागि तयार पारिएको उक्त गीतमा पार्टी अध्यक्ष ओलीको गुणगान गाइएको छ । गीतमा ओलीको पनि आवाज थपिएको छ । गीत सार्वजनिक कार्यक्रममा एलओडी नाइट क्लबमा उल्लेख्य संख्यामा उपस्थित युवाले उनको स्वागत गरेका थिए । त्यहाँ उनले राष्ट्रिय झण्डा फहराएका थिए ।