काठमाडौं । त्रिभुवन अन्तर्राष्ट्रिय विमानस्थलबाट सुनको तस्करी निरन्तर भइरहेको पाइएको छ । शुक्रबार एकै व्यक्तिको साथबाट १९ किलो सुन बरामद भएको छ । उनी विदेशी नागरिक हुन् । पक्राउ पर्नेमा सुडानका नागरिक मोहम्मद अहम्मद छन्।
शुक्रबार फ्लाई दुबईको उडानबाट नेपाल आएका उनलाई विमानस्थल भन्सार कार्यालयका कर्मचारीले चेक गरेका थिए। चेक गर्दा उनको साथबाट १९ किलो सुन बरामद भएको विमानस्थल भन्सार कार्यालयका प्रवक्ता यमराज पाण्डेले जानकारी दिए। उनीमाथि थप अनुसन्धान भइरहेको उनले बताए।