काठमाडौं । विश्व स्वास्थ्य संगठन डब्लूएचओले भारतीय कम्पनीले बनाएको दुई कफ सिरपको प्रयोगमा रोक लगाएको छ । डब्लूएचओले बुधबार मरीन बायोटिकले बनाएको कफ सिरप प्रयोग गर्न योग्न नभएको निष्कर्ष निकाल्दै यस्तो सिफारिस गरेको हो । विश्व स्वास्थ्य संगठनले यी औषधी पूर्णतया रोक्न समेत भनेको छ । साथै मुलुकहरुले यो औषधीको प्रयोग रोक्न निगरानी गर्न समेत भनेको छ । उज्जवेकिस्तानमा यसको सेवनबाट १९ जना बालबालिकाको ज्यान गएपछि संगठनले अनुसन्धान थालेको थियो ।
उक्त अनुसन्धानपछि डब्लूचएओ यसको प्रतिवन्धको निष्कर्षमा पुगेको हो । संगठनले एएमबीआरओएनओएल सिरिप र डीओके–१ म्याक्स सिरपको प्रयोगमा रोक लगाएको छ । अनुसन्धानका क्रममा यी औषधीमा डाइथिलिन ग्लाइकोल र इथिलिन ग्लाइकोलको मात्रा अत्यधिक पाइएको छ । यसअघि हालै उत्तर प्रदेशको खाद्य सुरक्षा तथा औषधी प्रशासनले मरीन बायोटेकको लाइसेन्स रद्द गरेको थियो ।