काठमाडौं । नेपाली कांग्रेसले राष्ट्रपतिमा उम्मेदवारी दिने निर्णय गरेको छ ।
कांग्रेस सभापति शेरबहादुर देउवाको निवास धुम्बाराहीमा आज बिहान बसेको पदाधिकारी र पूर्वपदाधिकारीको बैठकले राष्ट्रपतिमा उम्मेदवारी दिने निर्णय गरेको हो ।
बैठकले उम्मेदवार दिनु अगाडि संसदमा प्रतिनिधित्व गर्ने सबै दलहरूसँग छलफल गर्ने र सकेसम्म सर्वसम्मत गर्ने निर्णय गरेको कांग्रेस प्रवक्ता प्रकाशशरण महतले जानकारी दिए ।
प्रवक्ता महतले राष्ट्रपति निर्वाचन समयमै हुनुपर्ने भन्दै कुनै पनि कारणले चुनाव पछि सार्न नहुने अडानमा कांग्रेस रहेको बताए ।