काठमाडौं । काठमाडौं महानगरपालिकाले मैतीदेवीचोकस्थित प्रहरी बिटमा डोजर चलाएको छ । सडक अतिक्रमण गरी बनाइएको नेपाल प्रहरीको बिट महानगरले भत्काएको हो ।
मंगलबार दिउँसो नगर प्रहरीसहित गएको टोलीले प्रहरी बिटमा डोजर चलाएको हो । उक्त बिटलाई अन्य ठाउँमा सार्ने सहमती भएपछि भत्काइएको नगर प्रहरीले जनाएको छ ।
पछिल्लो समय महानगरपालिकाले आफ्नो क्षेत्रभित्र सार्वजनिक जग्गा अतिक्रमण गरी बनाइएका संरचना हटाउने क्रम तीव्र बनाएको छ ।
यसअघि महानगरले नयाँ बानेश्वर, न्यूरोड, धोबिखोला करिडोर लगायत दर्जनौं ठाउँमा सार्वजनिक जग्गा अतिक्रमण गरी बनाइएका संरचना भत्काइसकेको छ ।