विराट कोहलीले तोडे सचिन तेन्दुलकरको कीर्तिमान

एजेन्सी । विराट कोहलीले सर्वकालीन महान ब्याट्स्म्यान भारतीय क्रिकेट लेजेन्ड सचिन तेन्दुल्करले कम इनिङमा बनाएको २५ हजार अन्तर्राष्ट्रिय रनको कीर्तिमान तोडेका छन् । कोहलीले सचिनको भन्दा कम इनिङ खेलेर यो कीर्तिमान बनाएका हुन् । कोहलीले ५४९ इनिङमै यो सफलता पाएका हुन् भने सचिनलाई यसका लागि ५७७ इनिङ लागेको थियो । २५ हजार रन पूरा गर्ने कोहली विश्वका छैटौं खेलाडी बने। भारतमा भने उनी तेन्दुलकरपछि दोस्रो खेलाडी हुन्। यी दुईबाहेक रिकी पोन्टिङ, ज्याक कालिस, कुमारा सांगाकारा र माहेला जयवर्धनेले यो उपलब्धि हासिल गरेका छन्।