काठमाडौं । जापानको एक समुन्द्री तटमा विशाल मेटल बल भेटिएको छ । जसलाई क्रेनको सहायतामा हटाइएको जापानी सञ्चारमाध्यमले लेखेका छन् । स्थानीय सञ्चारमाध्यमहरुका अनुसार जापानको तटमा भेटिएको यो मेटलका कारण सथानीयमा त्रास थियो । जापानको हमामात्सु शहरको नजिकै यो भेटिएको हो ।
स्थानीय अधिकारीहरुका अनुसार यस बललाई निश्चित समयसम्म संग्रह गरेर राखिने छ । त्यसपछि यसलाई नष्ट गरिनेछ । जापानी अधिकारीहरुले यो के थियो भन्ने बारे स्पष्ट पार्न भने सकेका छैनन् । यस साताको सुरुमै तटमा एक असामान्य वस्तु रहेको जानकारी स्थानीय पुलिसलाई दिइएको थियो । कतिपयले यो वस्तु अन्तरिक्षबाट झरेको समेत अनुमान गर्छन् ।