साउथ वेष्ट एयरलायन्सकी एक महिला परिचारिका (फ्लाईट अटेन्डेण्ट) ले उडानका क्रममा ट्वाईलेटमा क्यामरा जडान गरी ककपिटमा बसेर पाईलटले लाइभ भिडियो हेरेको भन्दै सम्बन्धित एयरलाईन्स बिरुद्ध मुद्धा दायर गरेकी छिन् । सन २०१७ मा फिनिक्सबाट पिटर्सवर्गको लागि उडान भर्दै गरेको साउथवेष्टको पाईलट र को-पाईलटले जहाज भित्रको सौचालयमा लुकाएर क्यामरा जडान गरी ककपिटमा बसेर सौचालय भित्रको भिडियो लाईभ हेर्दै गरेको भेटेको भन्दै सोही उडानकी परिचारिका रेनी स्टेनाकरले एयरलाईन्सलाई मुद्दा (ल सुट्) गरेकी हुन् । दुई घण्टा आधा उडान समय रहेको फिनिक्सदेखि पिटर्सवर्गसम्मको उडानका क्रममा चालक टेरी गरामलाई सौचालय जानु परेपछि सम्बन्धित बिमान कम्पनीको नियम अनुसार उडान अबधिभर ककपिट भित्र दुई जना हुनै पर्ने वाध्यकारी ब्यबस्थाका कारण चालक गरामले परिचारिकालाई ककपिट भित्र बस्न बोलाएका थिए ।
परिचारिका ककपिट भित्र जाँदा ककपिटको विन्ड सिल्डमा टाँसिएर राखिएको आईप्याडमा सौचालयको लाईभ भिडियो आईरहेको थियो जुन भिडियोमा भर्खरै सौचालय गएका पाईलट देखिएका थिए । परिचारिका स्टेनाकरले भिडियो देखेपछि सहचालक रायन रसेल्सले सुरक्षाका कारण साउथवेष्ट एयरलाईन्सको सबै बिमानको सौचालय भित्र क्यामरा रखिएको बताउँदै बचाउ गरेका थिए । साथै सहचालकले क्यामराको कुरा कसैलाई पनि नबताउन समेत अनुरोध गरेको मुद्दाको ब्यहोरामा जनाईएको छ । सौचालयको भिडियो देखेपछि परिचारिका स्टेनाकरले तत्काल आफ्नो फोनबाट उक्त भिडियो खिचेकी थिईन । स्टेनाकरले उडान अवतरण हुने बित्तिकै एयर्लाईन्सको सुपरभाईजरलाई घटनाको जानकारी गराएकी थिईन।
एयरलायन्स बिरुद्ध परिचारिकाले मुद्धा हालेपछि साउथवेष्ट एयरलाईन्सले बिज्ञप्ती निकाल्दै भनेको छ “साउथवेष्ट एयरलाईन्सले सौचालय भित्र क्यामरा राख्दैन ।” हाल मुद्दा अदालतमा बिचाराधिन छ ।
एजेन्सी