ढाका । साऊदी अरवले भ्रष्टाचारको अभियोगमा बंगलादेशस्थित आफ्नो दूतावासका दुई पूर्व कर्मचारीलाई गिरफ्तार गरेको छ । उनीहरुमाथि साऊदीमा वर्क भिसा जारी गर्ने क्रममा जोडिएको एक ठूलो भ्रष्टाचार काण्डमा मुछिएको आरोप छ । यस घोटलामा अन्य ११ जनालाई समेत दोषि सावित गरिएको छ ।
साऊदीको एन्टी करप्शन विभागले ट्विटरमा यसको जानकारी दिएको हो । यसरी गिरफ्तारीमा पर्नेमा दूतावासका काउन्सलर विभागका पूर्व प्रमुख अब्दुल्लाह फन्लह मुधी अल शमारी र उनका सहयोगी खालिद नस्र अयद अल–क़हतानी छन् ।
यस काण्डमा गृह मन्त्रालयका २, आठ बंगलादेशी नागरिक र एक प्यालेष्टिनी निवेदक दोषि देखाइएको छ । उनीहरुले दूतावासमा काम गर्दा वर्क भिसा जारी गर्ने क्रममा १.४४ करोड डलर हात पारेका थिए । उनीहरुले यो रकम साउदी अरवमै लगानी गरेको समेत पाइएको छ ।