काठमाडौं । सत्तारुढ गठबन्धनका शीर्ष नेताहरुले मन्त्रालय भागवण्डा लगभग टुंग्याएका छन् । बुधबार साँझ बालुवाटारमा बसेको बैठकले कुन दललाई कति मन्त्रालय भन्ने एकसरो समझदारी जुटाएको नेताहरुले जनाएका छन् । बिहीबार बेलुकासम्म मन्त्रिपरिषदलाई पूर्णता दिने सहमति समेत जुटेको छ । अब सबै पार्टीले आ–आफ्नो भागमा परेको मन्त्रालयमा मन्त्रीहरुको नाम दिने भएका छन् ।
राष्ट्रिय जनमोर्चाबाहेकका सबै दलले मन्त्रालय पाएका छन् । जस अनुसार कांग्रेसले ८, माओवादीले ५, एकीकृत समाजवादीले २, जसपाले २, जनमत पार्टीले, लोसपा, नाउपा र बाबुराम भट्टराई नेतृत्वको नेपाल समाजवादी पार्टीले १–१ मन्त्रालय पाउने छन् । आम जनता पार्टीका अध्यक्ष प्रभु शाह पनि सरकारमा सहभागी हुने भएका छन् ।