काठमाडौं । मुटुमा समस्या देखिएपछि शहीद गङ्गालाल राष्ट्रिय हृदय केन्द्रमा भर्ना भएका राष्ट्रपति रामचन्द्र पौडेललाई बुधवार बिहानै डिस्चार्ज गरिएको छ। राष्ट्रपति पौडेलका स्वकीय सचिव चिरञ्जीवी अधिकारीले राष्ट्रपतिको मुटुको भल्भ जाँच गर्नका लागि मङ्गलवार एन्जिओग्राफी गरिएको जानकारी गराएका छन् ।
एन्जिओग्राफी मुटुका भल्वमा हुने रक्तप्रवाह हेर्न प्रयोग गरिने एक प्रकारको परीक्षण हो। यसलाई सचिवालयले नियमित चेकजाँच भनेको छ । अस्पतालका कार्यकारी निर्देशक चन्द्रमणि अधिकारीले राष्ट्रपतिको नियमित स्वास्थ्य परीक्षण र उपचार गरिएको जनाएका छन्। तर कस्तो उपचार गरिएको भन्ने विषयमा अस्पतालले केही खुलाएको छैन।