काठमाडौं । ग्रीसको रोड्स द्वीपमा जारी भयानक आगलागीका कारण हजारौं मानिस प्रभावित बनेका छन् । अत्यधिक तापमानका कारण यूरोप अहिले अति प्रभावित छ । त्यसमाथि ग्रीसमा आगलागीले सताइरहेको छ । जंगलमा लागेको आगोका कारण अहिलेसम्म पर्यटकसहित हजारौ मानिसलाई सुरक्षित स्थानमा सारिएको छ । मुलुकको दमकल विभागले यो आगोले अहिलेसम्मकै चूनौतिपूर्ण परिस्थिति सिर्जना गरेको जनाएको छ ।
अहिलेसम्म ३५ सय मानिसको उद्धार गरिएको छ । पुरै यूरोप यतिबेला हीटवेवको चपेटामा छ । यो द्वीपको जंगलमा मंगलवारदेखि आगो सल्किएको हो । तीब्र गतिमा चल्ने तातो हावाले अझै आगो फैलाइरहेको छ । ग्रीसको क्लाइमेट क्राइसिस तथा सिविल प्रोटेक्शन मिनिस्ट्रीका अनुसार अहिलेसम्म मानवीय क्षतिको भने खबर छैन । मन्त्रालयका अनुसार रोड्सकाहोटलमा रहेका पर्यटकलाई समेत त्यहाँबाट निकालेर दोस्रो द्धिपमा पठाइएको छ । यहाँ हेलीकप्टर र दमकल विभागका तर्फबाट अग्नी नियन्त्रणको काम जारी छ । मौसम विभागका अनुसार यहाँ तापक्रम ४५ डिग्रीसम्म जाने अनुमान छ ।