काठमाडौं । महानगर र गुठीयारबीच समन्वय गरेर इन्द्रचोकमा अवस्थित आकाश भैरवको मन्दिर मुनि रहेको पसलहरु हटाइएको छ। मन्दिर मुनी लस्सी पसलसँगै जुत्ताका पसलहरु संचालित थिए।
मन्दिर मुनि भिड र फोहोर हुने गरी पसलहरु सञ्चालन भइरहेको भन्दै स्थानीयले पटकपटक पसल हटाउनुपर्ने जोड दिँदै आएका थिए।
नेवार समुदायको एक महत्वपूर्ण देवता मध्ये आकाश भैरवलाई पनि मानिन्छ। ‘आकाशका देवता’ मानिने यस हिन्दु देवतालाई काठमाडौंका धेरै मन्दिरहरू समर्पित गरिएको छ र इन्द्रचोकको बीचमा रहेको आकाश भैरवको मुर्ति र मन्दिर सबैभन्दा प्रसिद्ध मन्दिरको रुपमा लिइन्छ ।
यस स्थानमा गर्मी मौसममा दिनको ३०० देखि ७०० गिलास सम्म लस्सी विक्री हुने इन्द्रचोक क्षेत्रमा दैनिक २/३ लाख रुपैयाँबराबरको कारोवार हुने गरेको थियो ।