काठमाडौं । सेयर बजारमा उच्च अंकको गिरावट आएको छ । १० दिनपछि खुलेको सेयर बजार आज एकैदिन २८ अंकले घटेको हो ।
आइतबार नेप्से परिसूचक २८.१८ अंकले घटेर १८७५.६५ विन्दुमा आइपुगेको छ । सूचकसँगै कारोबार रकममा पनि गिरावट आएको छ । आज २७३ कम्पनीको ७४ करोड रूपैयाँ बराबरकाे २७ लाख १२ हजार १२३ कित्ता सेयर किनबेच भएको छ ।
कारोबारमा आएका १३ वटै समूहको परिसूचक राताम्मे भएको छ । व्यापार समूहको परिसूचक सबैभन्दा धेरै २.६८ प्रतिशतले घटेको छ ।
आज नेशनल हाइड्रोपावरको सर्वाधिक कारोबार भएको छ । यसको ४ करोड रुपैयाँ बढीको सेयर किनबेच भएको छ ।
उच्च अंकले घटेको बजारमा आज सोनापुर मिनरल्सको सेयर मूल्यमा नेगेटिभ सर्किट लागेको छ । आजैदेखि कारोबारमा आएको सोनापुरको सेयर मूल्य ठ्याक्कै १० प्रतिशतले घटेको हो ।
घट्दो बजारमा आज अपर सोलु हाइड्रोका सेयरधनीले सर्वाधिक ८.९९ प्रतिशत कमाएका छन् ।