डेडिकेटेड फिडर र ट्रंकलाइन विवादमा काटिएको लाइन जोडियो

काठमाडौं । डेडिकेटेड फिडर र ट्रंकलाइन विवादमा विद्युत प्राधिकरणले काटेको उद्योगको बिजुली शुक्रबार मध्यराति जोडिएको छ । मन्त्रिपरिषद्ले छानबिन आयोग गठन गरी काटिएको लाइन तत्काल जोडिदिने निर्णय मंगलबार गरेको थियो । प्राधिकरणले त्यसको चार दिनपछि मात्र लाइन जोडेको हो । शुक्रबार राति १-२ बजेसम्म उद्योगहरूमा लाइन जोडिएको हो । विद्युत प्राधिकरणले ६ पुसबाट धेरै बक्यौता रहेका उद्योगमा लाइन काट्न थालेको थियो । यस विवादको अध्ययन गर्न सरकारको आयोग गठन गरेको छ ।