काठमाडौं । लेबनानस्थित संयुक्त राष्ट्र संघीय शान्ति सैनिकको रुपमा कार्यरत एक नेपाली सैनिकको मृत्यु भएको छ । नेपाली सेनाका अनुसार श्री पुरानो गण ६४ औं डफ्फामा कार्यरत सिपाही सुवास थापाको बिहीबार निधन भएको हो । उनी दोखला निवासी हुन् ।
सिपाही थापा हेडक्वाटरको बंकरमा स्ट्यान्डवाई डिउटीमा रहदा आफैंले बोकेको हतियारबाट गोली लागि घाइते अवस्थामा फेला परेको सेनाले जनाएको छ । त्यसपछि उनलाई मिसनको लेभल एक अस्पतालमा उपचारका लागि लगिएको थियो । तर उनको निधन भयो । सिपाही थापाको शव ल्याउन आवश्यक समन्वय भइरहेको सेनाले जनाएको छ ।
सेनाले लेबनानको सीमावर्ती इलाकामा लडाई चलिरहेको हुदा त्यसको मनोवैज्ञानिक असर बाहेक अन्य कुनै कारणबाट उक्त घटना घटेको हो भन्ने बारेमा बुझ्ने कार्य भइरहेको जनाएको छ । साथै, हाल उक्त मिसनमा तैनाथ गण एक वर्ष कार्य अवधि पुग्ने क्रममा रहेको र यहि फागुनको दोस्रो साता अदलीपद्ली हुने प्रारम्भिक चरणमा रहेको पनि सेनाले जनाएको छ ।