काठमाडौं । रुस युक्रेन युद्धको दुई वर्ष पुरा भएको छ । रुसी राष्ट्रपति भलादमिर पुटिनले सुरु गरेको पूर्ण आकारको अतिक्रमणको दुई वर्ष पूरा भई तेस्रो वर्ष सुरु भएको हो । यद्दपी युद्ध भने जारी छ । पछिल्लो समय युक्रेनी सहरहरूमा थप रुसी हमला भइरहेको अन्तर्राष्ट्रिय सञ्चारमाध्यमले जनाएका छन् । युक्रेनलाई सैन्य सहायता दिन ढिलो भइरहँदा रुसले त्यसको लाभ उठाइरहेको चिन्ता युक्रेनमा रहेको छ ।
शनिवार युक्रेनी राष्ट्रपतिले युक्रेनमा विदेशी नेताहरूका सान्त्वना दिने शब्द र भ्रमणहरू भइरहेका तर आफूहरूलाई अस्त्रको आवश्यकता रहेको बताएका थिए । उक्त द्वन्द्वको मूल्य भयानक छ। दुवै पक्षमा हजारौँ सैनिकहरू मारिएका छन्। हजारौँको सङ्ख्यामा युक्रेनी सर्वसाधारणको समेत युद्धका क्रममा मृत्यु भएको छ। विश्व ब्याङ्कको अनुमान अनुसार युक्रेनी अर्थतन्त्रलाई पुनरुत्थान गर्न पाँच सय अर्ब डलर लाग्नेछ।