काठमाडौं । मंगबारदेखि काठमाडौंमा सुरु हुने नेपाल, नामिबिया र नेदरल्यान्ड्स सम्मिलित टी–२० सिरिजका लागि नेपालले टिम घोषणा गरेको छ। विनोद भण्डारी, प्रतिश जिसी, बिबेक यादव, रशिद खान, सागर ढकाल र अभिनास बोहरा टिममा समेटिएका छन् । उनीहरु एकदीवसीय सिरिजमा थिएनन् । अन्य खेलाडी एकदिवसीय सिरिज खेलेका छन् ।
एकदिवसीय टिममा रहेका पवन सर्राफ, सूर्य तामाङ, भीम सार्की र देव खनाललाई टी २० सिरिजमा राखिएको छैन । सिरिजमा पहिलो खेल नेपाल र नामिबियाबीच मंगलबार हुनेछ। बुधबार नेपाल र नेदरल्यान्ड्स भिड्नेछन्। नेपालले नामिबियासँग शुक्रबार र शनिबार नेदरल्यान्ड्ससँग फेरि खेल्नेछ। फाइनल फागुन २२ गते मंगलबार हुनेछ। सबै खेल त्रिवि मैदानमा विहान साढे ११ बजे सुरु हुनेछन्।