काठमाडौं : भारतमा एक बालकले चितुवालाई कोठा भित्र थुनेर आफु भाग्न सफल भएका छन् । यसको भिडियो भाइरल भएको छ । भारतको महाराष्ट्रस्थित नाशिक जिल्लामा एक बालकले चितुवालाई कोठाभित्र थुनेको दृश्य अहिले ‘भाइरल’ भएको हो । साई सेलब्रेशन लनको कार्यालयको एक कोठामा चितुवा पस्दा १२ वर्षे मोहितविजय अहिरे ढोका नजिकै रहेको सोफामा बसेर मोबाइलमा खेलिरहेका थिए।
मोहित डरले भागेनन्, बरु संयमित भए र चितुवालाई भित्र राखेर ढोका बन्द गरे। आफू चाहिँ बाहिर भागे। पछि वन विभागका अधिकारीहरूले चितुवालाई नियन्त्रणमा लिए। यो दृष्य भने सीसीटीभीमा कैद भएको थियो । अहिले सोही दृष्य भाइरल भएको हो ।