वासिंगटन । इरानमा पछिल्लो दिनमा सरकार विरोधी प्रदर्शन जारी छन् । प्रदर्शनका क्रममा ७ हजार भन्दा बढी प्रदर्शनकारी पक्राउ परेका छन् ।
त्यसमा पनि हजार जनालाई भने प्रहरीले हत्या गरिसकेको अमेरिकाले जनाएको छ । इरानका लागि अमेरिकका विशेष दूतले उक्त रिर्पोटिंग गरेका छन् । उनको यो दावि संयुक्त राष्ट्रसंघले सार्वजनिक गरेको तथ्यांक भन्दा निकै धेरै हो ।
शुक्रबार सार्वजनिक विवरण अनुसार पक्राउ परेका मध्ये केहीलाई तत्काल रिहा गरिएको थियो भने केहीलाई भने सुरक्षाकर्मीले मारेका छन् ।
राष्ट्रसंघीय मानवीय सहायतासम्बन्धी कार्यालयको विज्ञप्ती अनुसार प्रदर्शनकारीलाई सुरक्षाकर्मीले पिट्ने, लखेट्ने, गोली प्रहार गर्ने, हत्याको प्रयास गर्नेजस्ता कृयाकलाप भिडियो रेकर्डसमेत भएका छन् ।
एम्नेष्टी इन्टरनेशनलका अनुसार प्रदर्शनका दौरान २ सय भन्दा बढीको मृत्यु भइसकेको छ । तर, अमेरिकाले भने इरानमा १ हजार भन्दा बढी सर्वसाधारणको हत्या भइसकेको जनाएको छ ।