झिनो अंकले घट्यो नेप्से

काठमाडौं । शेयर बजार झिनो अंकले घटेको छ । साताको कारोबारको पहिलोदिन नेप्से परिसूचक ५.३७ अंकले घटेर २०६२.९४ विन्दुमा झरेको हो । यसदिन ३१७ कम्पनीको ४ अर्ब ३७ करोड ४५ लाख ९७ हजार ४५८ रुपैयाँ बराबरको ९५ लाख ६१ हजार ७२७ कित्ता शेयर किनबेच भएको छ । कारोबारमा आएका १३ वटा समूहको परिसूचकमध्ये ३ वटा बाहेक अरुसबैको घटेको छ । आज पोखरा फाइनान्सको सर्वाधिक कारोबार भएको छ । यसको १७ करोड १३ लाख रुपैयाँको शेयर किनबेच भएको छ । घट्दो बजारमा ५ कम्पनीको मूल्यमा पोजेटिभ सर्किट लागेको ।