काठमाडौं । काठमाडौंको चोभारमा झाडि भित्र एक पुरुषको शव फेला परेको छ। प्रहरीका अनुसार शवको पहिचान भएको छैन ।
करीव ६० वर्ष उमेरको लाग्ने एक पुरुषको शव फेला परेको हो । आत्महत्या थियो या हत्या भएको हो भन्नेबारे प्रहरीले अनुसन्धान गरिरहेको बताएको छ ।
शनिबार नै रुपन्देहीमा एक महिलाको हत्या भएको छ । रुपन्देहीको तिलोत्तमा नगरपालिका वडा नं. १० कान्छीबजारकी ५५ वर्षिया कमलादेवी परियारको हत्या भएको हो ।
उनको सोही स्थान बस्ने २७ वर्षीय विकास गुरुङले धारिलो हतियार प्रयोग गरी हत्या गरेको ईलाका प्रहरी कार्यालय बुटवलले जानकारी दिएको छ ।
घाँस काटिरहेको समयमा उनीमाथि हतियार प्रहार भएको हो । प्रहरीले गुरुङलाई नियन्त्रणमा लिएको छ ।