काठमाडौं । बंगलादेशमा हिंस्रक प्रदर्शन हुँदा कम्तिमा ६ जनाको मृत्यु भएको छ । नोकरीमा आरक्षण माग गर्दै बंगलादेशमा आन्दोलन भएको हो । हिस्रक घटनापछि देशभर स्कुल तथा विश्वविद्यालय बन्द गरिएको छ । शिक्षण संस्थाहरु अनिश्चितकालका लागि बन्द भएका हुन् । बंगलादेशमा सरकारी नोकरीमा स्वतन्त्रता सेनानीका बालबच्चालाई आरक्षण दिइएको छ ।
बंगलादेश १९७१ मा पाकिस्तानबाट छुट्टिएको हो । आलोचकहरुले यो आरक्षणबाट प्रधानमन्त्री शेख हसिनाका समर्थकले मात्र लाभ उठाइरहेको आरोप लगाएका छन् । उनले गत जनवरीमा चौथो पटक लगातार चुनाव जित्दै सत्तामा छिन् ।