काठमाडौं । इजरायलका प्रधानमन्त्री बिन्यामिन नेतान्याहु अमेरिका भ्रमण बीचमै छाडेर स्वदेश फर्किएका छन् । इजरायलको नियन्त्रणमा रहेको गोलान ह्वाइट्समा रकेट आक्रमण भएसँगै उनी अमेरिकाबाट इजरायल फर्किएको बीबीसीले जनाएको छ । उनले स्वदेश फर्किनासाथ् आफ्नो सुरक्षा क्याविनेटको बैठक राखेका छन् । यस बैठकले लेवनानको चरमपन्थी संगठन हिज्बुल्लाह विरुद्ध कारवाहीलाई स्वीकृति दिएको छ ।
यसले अब इजरायलको लडाई लेवनानतर्फ केन्द्रित हुने देखिएको छ । उता, अमेरिकी विदेश मन्त्री एन्टनी ब्लिंकनले समेत गोलन ह्वाइटमा हिज्बुल्लाहले रकेट आक्रमण गरेको पुष्टी गरेका छन् । शनिबार भएको यो आक्रमणमा १२ जनाको मृत्यु भएको छ । मारिनेमा अधिकांश बच्चा छन् । आक्रमण लगत्तै प्रधानमन्त्री नेतान्याहूले हिज्बुल्लाहले यसको ठूलो मूल्य चूकाउनु पर्ने चेतावनी दिएका थिए ।