काठमाडौं । प्रधानमन्त्री केपी शर्मा ओलीले टिआरसी विधेयकमा कार्यदलमा सहमति बनेसँगै सबै दलमा सहमति भएको बताएका छन् । यसलाई पूर्णता दिन अब कानूनी रुपमा कुनै दुविधा नभएको उनको भनाई छ । टीआरसी विधेयकसम्बन्धी कार्यदलले प्रतिवेदन बुझाएपछि बोल्दै समितिले सर्वसहमतिले पारित गरेर पठाउने बताए।
उनले यही अधिवेशनबाटै टिआरसी विधेयक पारित गर्ने बताए। उनले सबै पार्टीहरुसँग परामर्श गरेर नै कार्यदलले सहमति गरेकाले दलहरुबीच फरक मत नरहेको बताए। आज कार्यदलले शीर्ष नेतालाई सहमतिको प्रतिवेदन बुझाएको छ ।