काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहालले सर्वदलीय बैठक बोलाएका छन् । अविरल वर्षा, बाढी पहिरो र त्यसबाट उत्पन्न परिस्थितिबारे छलफलका लागि अध्यक्ष दाहालले सर्वदलीय बैठक बोलाएको उनको सचिवालयले जनाएको छ । बैठक आइतबार बिहान १० बजे माओवादी केन्द्र संसदीय दलको कार्यालय सिंहदरबारमा बस्ने बताइएको छ ।
कार्यवाहक प्रधानमन्त्री प्रकाशमान सिंहले समेत सर्वदलीय बैठक आह्वान गरेका हुन् । आज दिउँसो १ः०० बजे प्रधानमन्त्री कार्यालय सिंहदरबारमा बस्ने गरी सर्वदलीय बैठक डाकिएको कार्यवाहक प्रधानमन्त्री सिंहको निजी सचिवालयले जानकारी दिएको छ । उता, प्रधानमन्त्री केपी शर्मा ओली भने अमेरिका शयरमा छन् । सामान्यतया मुलुकमा संकट आउँदा कार्यकारी प्रमुखहरुले आफ्नो भ्रमण कटौती गरी स्वदेश फर्कने प्रचलन हुन्छ ।