काठमाडौं । काठमाडौं उपत्यकाको तापक्रम १ डिग्रीमा झरेको छ । विहीबार बिहानको न्यूनतम तापक्रम १ डिग्री सेल्सियस मापन भएको मौसम विज्ञान पूर्वानुमान महाशाखाले उल्लेख गरेको छ ।
तापक्रम घट्ने क्रमसँगै देशभर चिसोले जनजीवन समेत प्रभावित भएरहेको छ । बुधबार जुम्लामा माइनस ६ डिग्री तापक्रम मापन भएको छ ।
तराईका जिल्लाहरुमा शितलहर चल्न थालिसकेको छ । पूर्वी तराईमा चिसोका कारण केही मानिसले ज्यान समेत गुमाइसकेका छन् ।
काठमाडौंको तापक्रम एक दिनकै अन्तरमा तापक्रम झण्डै २ डिग्री कम भएका कारण पनि विहीबार बढी चिसो अनुभव भएको हो ।
बिहीबार डडेल्धुरामा २ डिग्री, वीरेन्द्रनगरमा २ दशमलव ७ डिग्री र ताप्लेजुङमा ४ दशमलव ४ डिग्री तापक्रम रहेको महाशाखाले उल्लेख गरेको छ ।