कंचनपुर । कंचनपुरस्थित शुक्लाफाँटा राष्ट्रिय निकुन्जको सबैभन्दा पुरानो तथा वृद्ध उमेरको हात्ति रतनकलीको विहिबार निधन भयो ।
विसं २०३५ सालमा चितवन राष्ट्रिय निकुन्जबाट शुक्लाफाँटा ल्याइएको हात्ती ‘रतनकली’ को शुक्रबार हिन्दु संस्कार अनुसार अन्तेष्टी गरिएके छ । रतनकलीलाई निकुञ्जस्थित हात्तीसारमा राखिएको थियो । रतनकलीको उमेर ८४ वर्ष थियो ।
रतनकलीलाई चराउन जाँदा बसेको हात्ति उठ्न सकेन । कर्मचारीहरुका अनुसार कालगतिले उसको निधन भएको हो । हात्तिको औसतः उमेरभन्दा यो बढी बढी उमेर बाचेको थियो । कर्मचारीले पहरा दिएकै समयमा उसले स्वास गएको हो ।
रतनकलीलाई ४१ वर्षअघि चितवन राष्ट्रिय निकुञ्जबाट शुक्लाफाँटा ल्याइएको थियो। रतनकलीको अन्येष्टिमा शुक्रबार निकुञ्ज प्रशासन, स्थानीय वडा कार्यालय, मध्यवर्ती, सेना र हात्तीसारका कर्मचारीले भाग लिए ।