काठमाडौं । प्रहरीले काठमाडौंमा चोरी, लागूऔषध ओसारपसार तथा बेचविखनविरुद्ध कारवाही तिब्र बनाएको छ । स्वीप अपरेसनका दौरान शुक्रबार मात्र सयौं मानिस समातिएका छन् ।
बिहीबार र शुक्रबार गरी २ सय भन्दा बढी व्यक्ति पक्राउ परिसकेको प्रहरीले जनाएको छ ।
बसुन्धरा, टोखा, बाँसबारी, मन्डिखाटार, गौशाला, चाबहिल र बानेश्वर क्षेत्रबाट ति व्यक्ति पक्राउ परेको महानगरीय प्रहरी आयुक्तको कार्यालयले जनाएको छ ।
स्थानीय प्रहरीको अगुवाईमा कार्यालयले टोली नै खटाएर लागु औषधका कारोबारी र प्रयोगकर्ताविरुद्ध कारवाही तिब्र बनाएको छ ।
अहिले राजधानीमा लागु औषध प्रयोगकर्ताका कारण धेरै पारिवारिक किचलो, अपराधका घटना घटिरहेका छन् ।