काठमाडौं । अमेरिकाका पूर्वराष्ट्रपति जोन एफ केनेडीको हत्या सम्बन्धी सबै गोप्य दस्तावेज सार्वजनिक गरिने भएको छ । राष्ट्रपति डोनाल्ड ट्रम्पले तत्कालीन राष्ट्रपति जोन एफ केनेडी, उनका भाइ सिनेटर रोबर्ट एफ। केनेडी र मार्टिन लुथर किङ जुनियर हत्यामा जोडिएका सबै गोप्य सरकारी दस्तावेज सार्वजनिक गर्न निर्देशन दिएको अमेरिकी सञ्चारमाध्यमले लेखेका छन् । ती दस्तावेज सार्वजनिक गर्ने कार्यकारी आदेशमा बिहीबार हस्ताक्षर गरेको समेत खबर छ ।
तत्कालीन राष्ट्रपति केनेडीको १९६३ मा गोली हानी हत्या भएको हो । साथै सन् १९६८ को राष्ट्रपती निर्वाचनमा बलियो दावेदार उनका भाइ रोबर्टको सोहीवर्ष गोली हानी हत्या गरिएको थियो । काला अमेरिकीका लागि पनि समान अधिकारको अभियान चलाएका किङको समेत १९६८ मै गोली हानेर हत्या भएको हो ।