दक्षिण कोरियामा दुई नेपालीको मृत्यु

काठमाडौं । दक्षिण कोरियामा दुई नेपालीको मृत्यु भएको छ। दक्षिण कोरियाको जेछनमा सुनसरी घर भएका ५० वर्षीय शशी खतिवडाको मृत्यु भएको खबर सार्वजनिक भएको छ ।

क्षयरोगका कारण उनको मृत्यु भएको गैरआवासीय नेपाली संघ (एनआरएनए) कोरियाका अध्यक्ष बुद्धि गुरूङलाई उदृत गर्दै सञ्चारमाध्यमले जनाएका छन् । एक सातादेखि अस्पतालमै रहेका खतिवडाको निधन भएको हो । त्यस्तै ३९ वर्षीय एक युवाको हृदयघातका कारण मृत्यु भएको एनआरएनए अध्यक्ष गुरूङले बताएका छन् ।