नयाँ दिल्ली । भारतको कर्नाटकमा इजरायली पर्यटकको एक समूहमाथि बदमासहरुले कुकर्म र हत्या गरेका छन् । भारतीय सञ्चारमाध्यमहरुका अनुसार कर्नाटकको प्रसिद्ध पर्यटकीय स्थल हम्पीमा दुई पर्यटक महिलामाथि ग्याङरेप गरेका छन् । त्यसको प्रतिकार गर्दा पुरुष पर्यटकमाथि कुटपिट भएको छ । सो क्रममा एक पर्यटकको हत्या गरिएको छ ।
उनको शव फेला परेको भारतीय सञ्चारमाध्यमले लेखेका छन् । घटना शुक्रबारको हो । शनिबार पर्यटकको शव फेला परेको समाचारमा उल्लेख छ । घटना सनापुर ताल नजिक भएको बताइएको छ । हत्या गरिएका पर्यटक भने भारतीय आन्तरिक पर्यटक रहेको बताइएको छ ।
अमेरिका र महाराष्ट्रका दुई पर्यटकमाथि समेत मारपिट गरिएको र उनीहरु घाइते रहेको प्रहरीले बताएको छ । प्रहरीका अनुसार चार पर्यटक र एक होमस्टे सञ्चालक ताल नजिक रमाइरहेको समयमा सो घटना भएको बताइएको छ । उनीहरुमाथि मोटरसाइकलमा आएका तीन बदमासले सो कुकर्म गरेको पाइएको छ ।