काठमाडौं । इरानले इराकमा रहेका अमेरिकी सैन्य अखडामा आक्रमण थालेको छ । आफ्ना सैन्य कमाण्डर कासिम सुलेमानीलाई अमेरिकाले इराकमै मारेको थियो ।
त्यसको कडा बदला लिने चेतावनी दिएको अमेरिकाले इराकस्थित अमेरिकी सेनाको हवाई अड्डामा ब्यालेस्टिक मिसाइल प्रहार गरेको अन्तर्राष्ट्रिय संचारमाध्यमले पुष्टीसहित उल्लेख गरेका छन् ।
इरानले करीव १ दर्जन यस्तो मिसाइल अमेरिकी हवाई अड्डामा प्रहार गरेको छ । दुई वटा हवाई अड्डालाई इरानले लक्षित गरेको छ ।
अमेरिकी रक्षा विभागले समेत इरबिल र अल असदका अलग अलग सैन्य अखडामा इरानबाट मिसाइल आक्रमण भएको जनाएको छ ।
यद्दपी मावनीय हताहतीको पुष्टि भएको छैन । इरानको सरकारी टेलिभिजनले इराकस्थित अमेरिकी सैन्य अखडामा इरानले आक्रमण गरेको उल्लेख गरेको छ ।
अमेरिकी राष्ट्रपति डोनाल्ड ट्रम्पको निर्देशनमा सैन्य कमान्डरको ज्यान गएको भन्दै त्यसको बदलामा आक्रमण गरिएको इरानी रिभोलुसनरी गार्डको भनाई उदृत गर्दै इरानी टेलिभिजनले जनाएको छ ।
इरानले अमेरिकामा आक्रमण गरे त्यसको बदलामा इलाका ५८ वटा शहरमा आक्रमणको चेतावनी अमेरिकाले समेत दिएका कारण अब मध्यपूर्व झन अशान्त बन्ने संकेत देखिएको छ ।
इरानले अमेरिका र उसका सहयोगीलाई समेत आक्रमण गर्ने चेतावनी दिएको छ ।
एजेन्सी