काठमाडौं । इरानले आफ्ना सैन्य कमाण्डर जनरल कासिम सुलेमानीको अन्त्येष्टिका दौरान इराकस्थित सैन्य हवाई अखडामा आक्रामण गरेको खुलेको छ ।
सुलेमानीलाई अन्तिम संस्कार गरिरहँदा इरानी सेनाले अमेकिरी सैन्य क्याम्पमा सिमाइल प्रहार गरेको हो ।
त्यसपछि उनको अन्तिम संस्कार गरिएको इरानी टेलिभिजजले उल्लेख गरेको छ । सुलेमानीको अमेरिकी ड्रोन आक्रमणबाट इराकको राजधानी बगदादमा ज्यान गएको थियो ।
त्यसको बदला लिने चेतावनी दिएको इरानले अन्तष्ेटीकै समयमा अमेरिकी हवाई अड्डामा आक्रमण गरेको हो ।
अघिल्लो शुक्रबार सुलेमानीलाई अमेरिकले मारेको थियो । उनको गृहनगरमा बुधबार बिहान अन्तेष्टी गरिएको छ ।
शवयात्रामा लाखौं मानिस भेला भएका थिए । मंगलबार शवयात्राका दौरान भागडौड मच्चिदा ४० भन्दा बढीले ज्यान गुमाएका थिए ।
त्यसपछि मंगलबार उनको अन्तेष्टीको कार्यक्रम रोकिएको थियो । सुलेमानी इरानका अहिलेका सबैभन्दा लोकप्रिय सैन्य कमाण्डर थिए ।
इरानले अमेरिकाबाट थप हमला भए अमेरिका भित्रै आक्रमणको चेतावनी समेत दिएको छ । पछिल्लो हमलाबारे ह्वाइटहाउसको भने प्रतिक्रिया सार्वजनिक भएको छैन ।
एजेन्सी