काठमाडौं । देशभर नदीजन्य निर्माण सामग्रीको उत्खनन्का कारण नदीहरुको अधिक दोहन भएको गुनासो बढ्दै गएपछि सरकारले अब खानीबाट निर्माण सामग्री आपूर्तिको योजना बनाएको छ ।
अर्थमन्त्री डा. युवराज खतिवडाले नदीले मात्र निर्माण सामर्ग्री आपूर्ति नधान्ने भन्दै खानी खोतल्ने बताएको एक महिनापछि उद्योगमन्त्री लेखराज भट्ट पनि यही लाइनमा उभिएका छन् ।
उनका अनुसार खानीबाट नदीजन्य सामगी निकाल्ने सम्बन्धमा खानी विभागल यसअघि नै १४ वटा जिल्लाका ९१ वटा स्थान पहिचान गरिएको छ ।
यहाँबाट ढुंगा तथा बालुवा निकालेर निर्माण सामग्रीको आपूर्ति गरिने भएको छ । नेपालका ढुंगा विश्वमै राम्रा ढुंगा मानिन्छन् ।
अहिले नेपाल निर्माण सामग्रीका लागि नदी र खोला किनारमा निर्भर रहेको छ ।
प्रक्रिया अगाडी बढेका खानीहरुबाट प्रतिदिन २७ हजार ६ सय घनमिटर ढुंगा, गिट्टी र बालुवा उत्पादन हुने सरकारको भनाई छ ।
सरकारले यस्ता खानी उत्खनन्मा निजी क्षेत्रलाई सहभागी गराउने भएको छ ।
नदीजन्य निर्माण सामग्रीको अवैध दोहनको विरोध गर्दै शुक्रबार धनुषामा एक युवकको हत्या भएको छ ।
देशभर यो विषय निकै पेचिलो समेत बन्दै गएको छ ।
खानी विभागले डडेल्धुरा, डोटी, सुर्खेत, सल्यान, प्युठान, अर्घाखाँची, पाल्पा, चितवन, मकवानपुर, सिन्धुली, उदयपुर, धनकुटा, मोरङ्ग र ललितपुरमा यस्ता खानी पहिचान गरेको छ ।