सर्वोच्चको फेक पत्रले रेशम चौधरी पक्राउ प्रकरण : राजनीतिमा हङ्गामा

१७ वैशाख, काठमाडौं । एक कर्मचारीले लेखेको फेक पत्रका आधारमा रेशम चौधरी पक्राउ परेसङ्गै बुधबार राजनीतिमा हलचल मच्चिएको छ । प्रहरीले नागरिक उन्मुक्ति पार्टीका संरक्षक चौधरीलाई काठमाडौंमा एक कार्यक्रम स्थलबाटै पक्राउ गरेको थियो । तर, उनलाई पक्राउ गर्ने सम्बन्धि पत्र नै फेक भएको खुलेको छ । सर्वोच्च अदालतले अर्को सूचना जारी गर्दै सो पत्र आधिकारिक नभएको स्पष्ट पारेको छ । साथै चौधरीलाई छाड्न समेत सर्वोच्चले पत्र लेखेको छ । यससङ्गै चौधरी आजै रिहा समेत भएका छन् । फेक पत्र लेख्ने सर्वोच्चका शाखा अधिकृत महिमान विष्ट पक्राउ परेका छन् ।