सुनसरी । सुनसरी, रामधुनी नगरपालिकाअन्तर्गत तित्रीवनमा सवारी दूर्घटना भएको छ । दूर्घटनामा परी ५ जनाको न्यान गएको छ ।
माइक्रो र ठूलो बस एकआपसमा ठोक्किएर भएको दूर्घटनामा १४ जना घाइते भएको प्रदेश नं १ प्रहरी कार्यालय विराटनगरले जानकारी दिएको छ ।
आइतबार बिहान साढे ७ बजे पूर्वबाट पश्चिमतर्फ जाँदै गरेको बा५ख ३१५७ नम्बरको माइक्रो बस र विपरीत दिशाबाट आउँदै गरेको ना६ख ७९५ नम्बरको बस एक आपसमा ठोक्किएका हुन् ।
दुर्घटनामा माइक्रो चालक धादिङ बैरेनीका दीपक खड्का, माइक्रोमा सवार झापा, भद्रपुर ५ की ६८ वर्षीया डोलकुमारी कोइराला, उनका श्रीमान् हेमराज कोइराला, झापा चन्द्रगढीकी १८ वर्षीय गरिमा गौतम र झापा भद्रपुर ७ का ४५ वर्षीय टंकप्रसाद काफ्लेको ज्यान गएको प्रहरीले जनाएको छ ।
यस दूर्घटनामा माइक्रोबसका धेरै जना घाइते छन् । अधिक गतिका कारण दूर्घटना भएको अनुमान प्रहरीले गरेको छ ।