२६ भदौ, काठमाडौं । कतारमा हमासको नेतृत्वमाथि भएको हवाई आक्रमणपछि अपहरितहरूको फिर्तीका लागि आवाज छायामा पर्नसक्ने भन्दै अपहरित परिवारजनले चासो व्यक्त गरेका छन् । उनीहरूले मध्यस्थता गरिरहेको कतारमा भएको आक्रमणले बन्धक रिहाईको सम्भावनालाई बिथोल्नसक्ने र यसको पीडा बन्धकहरूले थप भाग्नुपर्ने हुनसक्ने ‘ठूलो डर’ व्यक्त गरेको छ। “हामी कैँदबाट बचेकाहरूबाट जान्दछौँ कि अपहरितविरुद्ध निर्देशित बदला क्रूर छ। उनीहरूको फिर्तीको सम्भावना अझै पहिलेभन्दा बढी अनिश्चित बनेको छ,” पीडित परिवारको सम्पर्क कार्यालयले भनेको छ।
इजरायलस्थित पीडित परिवारको सम्पर्क कार्यालयले भनेको छ, “पछिल्लो आक्रमणले ४८ जना अपहरितहरूको ज्यानको मूल्य चुक्न सक्छ । कुनै पनि क्षणमा मानिसहरूको ज्यान जान सक्छ र अपहरित सधैँका लागि फिर्ता नहने वातावरण हुनसक्छ। यो युद्ध अन्त्य गर्ने समय हो।” इजरायली सरकारले “४८ जना अपहरितको फिर्तीका लागि एक विस्तृत सम्झौताको लागि एक योजना’ प्रस्तुत गर्न परिवारहरूले माग गरेका हुन् ।