१४ कात्तिक, काठमाडौं । पेट्रोलियम पदार्थको मूल्य हेरफेर गरिएको छ । नेपाल आयल निगमका अनुसार आज राती १२ बजेदेखि लागु हुने गरी डिजेल र मट्टितेलको मूल्य प्रतिलिटर १ रुपैयाँले घटाइएको छ । हवाई इन्धनको मूल्य प्रतिकिलोलिटर अमेरिकी डलर ७ ले बढाईको छ । पेट्रोलको मूल्य भने यथावत राखिएको निगमले जनाएको छ ।
भारतबाट पेट्रोलको मूल्य सामान्य घटेर आएको थियो । हवाई इन्धन पोखरा र गौतमबुद्ध अन्तर्राष्ट्रिय विमानस्थलका भने खरीद मूल्य नै कायम गरिएको छ । नयाँ मूल्य अनुसार काठमाडौंमा डिजेलको मूल्य प्रतिलिटर १४४ रुपैयाँ कायम भएको छ । यसअघि १४५ रुपैयाँ प्रतिलिटर थियो ।