काठमाडौं । चर्चित युवा क्रिकेटर सन्दीप लामिछानेले निर्माणाधिन गौतम बुद्ध अन्तर्राष्ट्रिय क्रिकेट रंगशालाका लागि आफूले घोषणा गरेअनुसारको रकम हस्तान्तरण गरेका छन् ।
चितवनमा धुर्मुस सुन्तली फाउन्डेशनले बनाइरहेको रंगशालाका लागि सन्दीपले १ लाख ४१ हजार ५ सय ६८ रुपैयाँ प्रदान गरेका हुन् ।
बिहीबार काठमाडौंमा सन्दीपले आफूले घोषणा गरेको रकम धुर्मुस सुन्तलीलाई हस्तान्तरण गरेका हुन् ।
सन्दीपले नेपाल, अमेरिका र ओमान सम्मिलित त्रिकोणात्मक शृंखलाका क्रममा आफूले लिने हरेक विकेट बराबर ८ हजार ८ सय ४८ रूपैयाँ सहयोगको घोषणा गरेका थिए ।
सन्दीपले अमेरिकासँगको पहिलो खेलमा २ र दोस्रो खेलमा ६ विकेटसहित ८ विकेट लिएका थिए ।
सो बराबरको रकम उनले बिहीबार हस्तान्तरण प्रदान गरेका हुन् ।
सन्दीपले आफ्नोतर्फबाट ७० हजार ७ सय ४ रुपैँया र उनका एजेन्ट तल्हा इसामले त्यति नै रकम थपेर सहयोग गरेका हुन्।