५१ यात्रु बोकेको बुद्ध एयरको जहाज भद्रपुर विमानस्थलमा चिप्लियो

१८ पुस, काठमाडौं । काठमाडौंबाट झापाको भद्रपुर विमानस्थल पुगेको बुद्ध एयरको जहाज धावनमार्गमा चिप्लिएको छ । नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलका अनुसार जहाजमा ५१ जना सवार थिए । यात्रु तथा चालक दलका सदस्य सकुसल छन् । जहाजमा आगो नलागेका कारण ठूलो दुर्घटना हुनबाट भने जोगिएको छ । दुर्घटनाको कारण खुलेको छैन । एटीआर ७२ जहाज उडान नम्बर ९०१ मार्फत भद्रपुर उडेको थियो ।