काठमाडौं । राजिनामा दिएको २४ घण्टा नबित्तै अर्थमन्त्री डा. युवराज खतिवडाको पदमा पुनबहाली भएको छ ।
उनले साविकमा जस्तै अर्थ र सूचना प्रविधि तथा संचार मन्त्रालयको जिम्मेवारी सम्हाल्ने छन् । उनलाई बुधबार नै राष्ट्रपति विद्यादेवि भण्डारीले पद तथा गोपनीयताको सथप ग्रहण गरेका छन् ।
त्यसलगत्तै उनी मन्त्रालय पुगेर कार्यभार ग्रहण गरे । उक्त अवसरमा उनले आफू कमाण्डरको आदेश अनुसार फिल्डमा खटिएको भन्दै आदेश जारी रहेसम्म खटिने उल्लेख गरे ।
मंगलबार राष्ट्रियसभा सदस्यका रुपमा उनको दुई वर्षे कार्यकाल सकिएको थियो । त्यसपछि उनले पदबाट राजिनामा दिएका थिए ।
कार्यकाल सकिएपनि उनी सोही पदमा फर्किएका हुन् । मिर्गौला प्रत्यारोपण गर्न अस्पताल भर्ना भएका प्रधानमन्त्री केपी शर्मा ओलीले संविधानको धारा ७८ अनुसार खतिवडालाई मन्त्रीमा नियुक्त गरेका हुन् ।
पदभार ग्रहण गर्दै अर्थमन्त्रीले बजेट निर्माण, आर्थिक नीति अगाडि बढाउने सन्दर्भमा विकास प्रशासन, सामाजिक न्याय, समानताको लडाइ लड्ने एक योद्धाका रुपमा आफूलाई प्रस्तुत गरे ।
लडाइँमा बेलासम्म लडिरहने, जुनबेलासम्म कमाण्डरले फर्किएर आउ भन्दैन भन्दै उनले आफु युद्ध जितेर मात्र फर्कने उल्लेख गरे ।
उनी सांसद नभएपनि आगामी ६ महिनासम्म मन्त्री पदमा रहन सक्छन् । त्यसपछि या संघीय संसदको सांसद बन्न पर्छ, नभए पुनः राजिनामा गर्नुपर्छ । त्यसपछि पनि उनलाई अर्थमन्त्रीमा निरन्तरता दिन फेरी नियुक्ती गर्नुपर्छ ।