नयाँ दिल्ली । भारत सरकारले विद्यूतीय हाजिर बन्द गरेको छ । हातबाट कोरोना भाइरसको संक्रमण फैलने भएकाले भारतको राजधानी नयाँ दिल्लीमा कार्यालयहरुका अब विद्युतीय हाजिरी बन्द गरिएको हो ।
खासगरी जहाँ औलाको छापबाट हाजिर हुने सिस्टम जडान छ, त्यहाँ अब हातबाट हुने विद्यूतीय हाजिरी बन्द भएको हो ।
उता, भारत सरकारले आफ्ना नागरिकलाई ट्राभल एडभाइजरी समेत जारी गरेको छ । अत्यावश्यक काम नपरेसम्म विदेश भ्रमणमा नजान भारत सरकारले आफ्ना नागरिकलाई आग्रह गरेको हो ।
दिल्ली सरकारले कोरोनाको संक्रमण हुने डरले राजधानीमा होली मनाउन प्रतिवन्ध लगाएको छ । दिल्लीमा मार्च महिनाभर विद्यालयसमेत बन्द हुने भएका छन् ।
भारतमा अहिलेसम्म ३० जनामा कोरोनाको संक्रमण देखिएको छ ।
यद्दपी कुनै पनि बिरामीको ज्यान भने गएको छैन ।
तर, ठूलो जनसंख्या तथा कमजोर स्वास्थ्य प्रणाली रहेको भारतमा कोरोना फैलियो भने ठूलो क्षति हुने आंशका भने रहेको छ । किनकी राजधानी नयाँ दिल्लीमा मात्र २ करोड भन्दा धेरै जनसंख्या रहेको छ ।