काठमाडौं । आज ११४ औं नारि दिवस मनाईंदैछ । नेपालसहित संसारभर विविध कार्यक्रम आयोजना गरी यो दिवस मनाउने गरिन्छ ।
नारी मुक्ति आन्दोलनमा खटिएकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएकी थिइन् । सोही दिनको स्मरणमा विश्वभर महिला दिवस मनाउन थालिएको हो ।
यस वर्ष कोरोना भाइरसका कारण सरकारले नारी दिवसमा आयोना गर्ने विशेष कार्यक्रम भने स्थगित गरेको छ ।
तर, अनौपचारिक क्षेत्रबाट भने विभिन्न कार्यक्रम गरी यो दिवस मनाइदैछ । कोरोना भाइरसको त्रासका कारण यस वर्ष औपचारिक कार्यक्रम नगरिएको महिला, बालबालिका तथा जेष्ठ नागरिक मन्त्रालयले जनाएको छ ।
जर्मनीकी मार्क्सवादी नेतृ क्लारा जेट्किनले सन् १९१० मा कोपेनहेगेनमा आयोजित महिलाहरूको द्वितीय अन्तर्राष्ट्रिय सम्मेलनमा ८ मार्चलाई अन्तर्राष्ट्रिय श्रमिक महिला दिवसको रूपमा प्रस्ताव गरेकी थिइन् ।
यस प्रस्तावलाई सम्मेलनले पारित गरेसँगै सन् १९११ बाट महिला दिवस मनाउन लागिएको हो । नेपालमा आज महिला हक र अधिकारको विषयलाई लिएर अनौपचारिक क्षेत्रमा अनेक कार्यक्रम राखिएका छन् ।