काठमाडौं । नेपालमा पुरुषले महिलामाथि एसिड प्रहार गरेको धेरै घटना दोहोरिने गरेको छ । तर, सोमबार राती पुरुषमाथि महिलाले एसिड प्रहार गरेकी छिन् । काठमाडौंमै यस्तो घटना भएको हो ।
काठमाडौंको बालाजुमा कोठामा सुतिरहेका पुरुषमाथि महिलाले एसिड हानेकी हुन् ।
नुवाकोट घर भइ तारकेश्वर नगरपालिका–४ पुरानो गुहेश्वरीमा कोठा लिएर बस्दै आएका २४ वर्षीय रामराजा थापामाथि तेजाब प्रहार भएको प्रहरीले जानकारी दिएको छ । उ
नी डेरामा श्रीमती र चार महिने बच्चाको साथमा सुतेको समयमा मुख र हातमा एसिड हानिएको छ ।
झ्याल ढोका बन्द गरेर सुतेको समयमा आक्रमण भएका कारण घटनामा श्रीमती कै हात भएको आशंका प्रहरीले गरेको छ ।
श्रीमतीलाई प्रहरीले पक्राउ गरिसकेको छ । घरमा वियरको बोतलमा एसिड भेटिएको प्रहरीले जनाएको छ ।
प्रहरीका अनुसार श्रीमतीको यो दोस्रो बिबाह थियो । पुरुष र महिलाबीच राम्रो सम्बन्ध नरहेको र उमेरमा समेत श्रीमान भन्दा श्रीमती बढी रहेको छिमेकीले बताएका
छन् ।