काठमाडौं । सरकारले कोरोना संक्रमणको महामारीविरुद्ध लड्न कोष खडा गरेको छ ।
रोगको रोकथाम र संक्रमण आइहालेमा त्यसको उपचार तथा अन्य उपकरण तथा औषधीजन्य सामाग्री खरीदमा योगदान गर्ने गरी केन्द्रीय राहत कोष खडा गर्ने निर्णय मन्त्रीपरिषद्ले गरेको छ ।
यस कोषमा मन्त्रीहरुले एक महिनाको तलव हालेका छन् भने सरकारले ५० करोड रुपैयाँ हालेको छ ।
प्रधानमन्त्रीको पनि तलवबाट एक महिनाको रकम हालिने भएको छ । यो कोषमा रकम राख्न सरकारले सार्वजनिक आह्वान समेत गरेको छ ।
सरकारले सशस्त्र प्रहरीको अस्पताललाई कोरोना संक्रमितको उपचारमा मात्र केन्द्रित गर्ने निर्णय गरेको छ ।
सोही बैठकले सीमा नाकालाई समेत बन्द गर्ने निर्णय गरेको हो । प्रधानमन्त्री केपी शर्मा ओलीले उपचारपछि फर्केर पहिलो पटक मन्त्रीपरिषद् बैठक राखेका हुन् ।