एरिजोनास्थित टक्सनमा एक ब्यक्तीले कोरोना भाइरस जाँच गर्ने किट चोरी गरेर भागेका छन् । प्रहरीका अनुसार टक्सनस्थित एल रियो हेल्थ सेन्टरबाट भाइरस जाँच गर्ने २९ वटा किट चोरी भएको हो । सेन्टर बेलुका ८ बजे बन्द गर्ने तयारीमा थियो । सेन्टरका कर्मचारीहरु सामान थन्क्याउँदै थिए, एक जना ब्यक्ती डेलिभरी ड्राईभरको नक्कली भेसमा सेन्टर भित्र प्रबेश गरे र २९ वटा टेस्टिङ् किट लिएर भागे ।
प्रहरीका अनुसार अन्दाजी ३० बर्षको देखिने करिव ५ फिट ९ इन्चदेखि ५ फिट ११ इन्च कदका सन्धिग्द हिस्प्यानिक जस्तो देखिने ब्यक्ती कालो दारी भएका छन् । टक्सन सहरमा हाल १७ जना संक्रमित छन् । प्रहरीका अनुसार ती सन्धिग्द ब्यक्तीले चोरेको किट आँफैमा काम लाग्दैन । रिर्पोर्ट प्राप्त गर्न त्यो किट मात्र काम लाग्दैन त्यसलाई बिशेष प्रकृयाबाट ल्याबमा लगेर जाँच गर्नु पर्छ । प्रहरीले ती ब्यक्तीको खोजी गरिरहेको जनाएको छ ।
एजेन्सी