काठमाडौं । राष्ट्रिय ध्वजाबाहक नेपाल एयरलाइन्सले चीनबाट कोरोना भाइरसको संक्रमणसँग जुध्ने मेडिकल किट नेपाल ल्याएको छ ।
शनिबार अपरान्ह चीन उडेको जहाज आइतबार बिहान साढे ५ बजे त्रिभुवन अन्तराष्ट्रिय विमानस्थलमा अवतरण गरेको हो ।
जहाजले चीनको ग्वांझाउबाट सामान ल्याएको हो । यो जहाज नेपाल सरकारले चार्टर्ड गरेको हो ।
कोरोना परीक्षण किट, स्वास्थ्यकर्मीहरुले सुरक्षाका लागि लगाउने विशेष प्रकारको पोशाक पीपीईसहितका सामग्री काठमाडौं आएका छन् ।
यससँगै अब सरकारले उपत्यका बाहिर समेत कोरोनाको परीक्षण बिस्तार गर्ने भएको छ ।
उता, चिनियाँ सरकारका तर्फबाट नेपाल सरकारलाई प्रदान गरिएको राहत सामग्री समेत नेपालतर्फ पठाइएको नेपालका लागि चिनियाँ राजदूत होउ यान्छीले जानकारी दिएी छिन् ।
उनका अनुसार सिचुआन प्रान्त सरकार, सिचुआन प्रान्तीय लगानी समूह र चिनियाँ दूतावासले चन्दा दिएका आपतकालीन सामाग्रीहरू, पीपीई, थर्मोमिटरलगायत सामान बोकेर चिनियाँ जहाज काठमाडौं प्रस्थान गरेको छ ।
यस जहाजमा चिनियाँ धनाढ्य ज्याक माको फाउन्डेसन र अलिबाबा फाउन्डेसनबाट प्राप्त सामग्री समेत आउने भएका छन् ।