लिस्बन । पोर्चुगलमा एकै पटक ८ जना नेपालीका कोरोनाको संक्रमण पुष्टी भएको छ ।
पोर्चुगलको राजधानी लिस्बनमा बस्दै आएका आठ नेपालीमा कोरोनाको सङ्क्रमण पुष्टी भएको हो । संचारमाध्यमहरुका अनुसार उनीहरु मार्कस्पोम्बलस्थित एउटै फ्ल्याटमा ‘रुम सेयरिङ’ मा बस्दै आएका थिए।
उनीहरुमध्ये एक जनालाई विगत २ सातादेखि निरन्तर ज्वरो आएको थियो। उनले स्वास्थ्यकर्मीको सल्लाहमा औषधि सेवन गरिरहेका थिए ।
तर, ठिक नभएपछि परिक्षण गरिएको थियो । परिक्षणमा उनमा कोरोना देखिएको थियो । त्यसपछि कोठामा बस्ने सबैको परिक्षणमा उनीहरु संक्रमित भेटिएका हुन् ।
सङ्क्रमितमध्ये एक बच्चा र गर्भवती पनि रहेको बताइएको छ । ८ जनामध्ये २ जनालाई अस्पताल भर्ना गरिएको छ ।अन्यलाई घरकै क्वारेन्टाइनमा राखिएको छ।
सोही घरको अर्को फ्ल्याटमा बस्दै आएका अन्य पाँच जनालाई पनि क्वारेन्टाइनमा राखिएको संचारमाध्यमले लेखेका छन् । उनीरुसहित पोर्चुगलमा ९ जनामा सङ्क्रमण पुष्टी भएको छ ।